როგორც იცით დღეს მსოფლიოს ყველა დროის ერთ-ერთი საუკეთესო ფეხბურთელის - რონალდოს დაბადების დღეა. 22 სექტემბერი ფეხბურთელის დაბადების ოფიციალური თარიღია, სინამდვილეში კი რონალდო 18 სექტემბერს დაიბადა. საქმე იმაშია რომ როდესაც ფენომენი გაჩნდა, ოჯახს არ ქონდა 10$, რათა პატარა რონალდო დაერეგისტრირებინათ და ეს მხოლოდ 22 სექტემბერს მოახერხეს.

       დღეს ბრაზილიელ ფეხბურთელს 34 წელი შეუსრულდება. ამ 34 წლის განმავლობაში რონალდომ მოახერხა უამრავი პირადი, თუ გუნდური გამარჯვების მოპოვება. 4-ჯერ შეძლო საზარელი ტრამვების შემდეგ დიდ ფეხბურთში დაბრუნება და მრავალი სასწაულის მოხდენა. წარუშლელი კვალი დატოვა როგორც ბრაზილიური, ასევე მსოფლიო ფეხბურთის ისტორიაში. ამ ფეხბურთელის თამაშებზე ახალი თაობები იზრდებოდნენ და ყველა ცდილობდა მისთვის მიებაძა, ან თუგინდ ვინმესგან დაემსახურებინა სიტყვები - რონალდოსავით თამაშობსო.

       დღეს ფეხბურთელი კვლავ აგრძელებს პროფესიონალურ კარიერას და მის ყველა გულშემატკივარს უდიდესი იმედი გვაქვს, რომ კიდევ ერთხელ შეძლებს თუგინდ შედარებით მცირე სასწაულის მოხდენას და ჩვენი გულების გახარებას, მას ხომ ეს ყველაზე კარგად შეუძლია.

       ბოლოს კი მინდა ფენომენს მივულოცო დაბადების დღე ჩვენი საიტის სახელით და მას ჯანმრთელობა და კიდევ მრავალი დასამახსოვრებელი მატჩის ჩატარება ვუსურვო კორინთიანსსა და ბრაზილიის ნაკრებში. (თუ სურვილია, სურვილი იყოს  )