"კორინთიანსისა” და "ინტერნასიონალეს” გარდა, დამაჯერებელი გამარჯვება იზეიმა "ფლუმინენსემაც”, რომლის მეტოქე ბრაზილიის ერთ-ერთი საუკეთესო კლუბი "ატლეტიკო მინეირო” გახლდათ. ეს მატჩი იმითაც იყო საინტერესო და გამორჩეული, რომ ერთმანეთის პირისპირ ბრაზილიის ყველაზე ცნობილი მწვრთნელები, ვანდერლეი ლუშემბურგო და მიურისი რამალიო წარსდგნენ. მთელი 90 წუთის განმავლობაში "ფლუ” ბევრად უფრო აქტიური გახლდათ და მიუხედავად იმისა, რომ მასპინძლებმა სწრაფი გოლის გატანა შეძლეს, გულშემატკივრებს ერთი წამითაც არ შეპარვიათ ეჭვი, რომ სტუმრები მდგომარეობის გამოსწორებას მოახერხებდნენ. ანგარიში კი მე-2 წუთზე გაიხსნა, როდესაც "მინეიროს” მარჯვენა მცველმა, კოელიომ ფლანგზე რიკარდინიოსთან გაითამაშა "კედელი” და საჯარიმოში გამჭოლი გადაცემა გააკეთა, სადაც ყველას მურიკიმ დაასწრო და ცარიელი კარი დალაშქრა. ამის მერე კი მარტო "ფლუმინენსე” უტევდა და მათ მეკარეს, რაფაელს, ფაქტიურად, საქმე აღარ ჰქონია, თუ არ ჩავთვლით ჟუნიორის შორეულ დარტყმულს. მოსახდენი კი მეორე ტაიმში მაინც მოხდა. ლუშემბურგომ დაცვის გაძლიერების მიზნით ხსენებული ჟუნიორი დიეგო მაჩედოთი შეცვალა, ხოლო რამალიომ როდრიგინიოს ნაცვლად ალანი შეუშვა, რითაც "ბურჟუების” იერიშები კიდევ უფრო გამწვავდა. 61-ე წუთზე მარკინიომ კუთხურიდან გუმს უპასა ზუსტად და ტანმაღალმა ცენტრალურმა მცველმა უპრობლემოდ შეუგდო მარსელოს. მომდევნო შეტევისას კი ფრედმა ალანი გაიყვანა დასარტყმელ პოზიციაზე და ამ უკანასკნელმა ბოძებული შანსი ხელიდან არ გაუშვა. "ატლეტიკოს” წვალებას საბოლოო წერტილი კი "ფლუმინენსეს” კაპიტანმა დაუსვა. დამატებით დროში ისევ და ისევ ალანი-ფრედის დუეტმა შესანიშნავი კონტრშეტევა განახორციელა და "ლიონის” ექს-ფორვარდს თავის გამოჩენა არ გასჭირვებია. "ჩვენ საჩემპიონო გუნდს ვაშენებთ, სადაც გამოცდილი ფეხბურთელები თამაშობენ და რომლებსაც "კორინთიანსისა” და "მინეიროს” დონის კლუბებთან გასვლაზე ტოლ-სწორად შეუძლია ბურთაობა. ვაცნობიერებთ რა სირთულეებს, მათ აღმოფხვრას ვცდილობთ. მთავარი პრობლება მატჩის დებიუტში გაშვებული გოლებია. მეტოქეს ძალიან დიდ სივრცეს ვუთავისუფლებთ, რისთვისაც ვისჯებით, მაგრამ შემდეგ მდგომარეობის გამოსწორებას მაინც ვახერხებთ. ყველას ვულოცავ "ატლეტიკოსთან” ამ ბრწყინვალე მოგებას!”- აღნიშნა გახარებულმა ფრედმა.

V ტური
ავაი - ვიტორია 0:0

ფლამენგო - გრემიო 1:1
გოლები: პეტკოვიჩი, 7 (1:0). როდრიგო, 51 (1:1).

პალმეირასი - პრუდენტე 0:0

ატლეტიკო მინ. - ფლუმინენსე 1:3
გოლები: მურიკი, 2 (1:0). გუმი, 61 (1:1). ალანი, 63 (1:2). ფრედი, 90 (1:3).

კორინთიანსი - სანტოსი 4:2
გოლები: ჟორჟე ენრიკე, 2 (1:0). ანდრე, 53 (1:1). სესარი, 54 (2:1). რალფი, 66 (3:1). პაულინიო, 84 (4:1). მარსელი, 87 (4:2).

გუარანი - სან პაულუ 0:0

ინტერი - ატლეტიკო პარ. 4:1
გოლები: ვალტერი, 49 (1:0). სორონდო, 52 (2:0). ანდრეზინიო, 56 (3:0). ალეშანდრო, 76 (4:0). მანოელი, 84 (4:1).
გაძევება: ვალენსია, 61 (ა).

გოიანენსე - გოიასი 1:3
გოლები: ელიასი, 13-პენ. (1:0). რომერიტო, 25 (1:1); 55 (1:2). ბერნარდო, 70 (1:3).
გაძევება: ფელიპე, 90 (გოიან.).

ბოტაფოგო - ვასკო 1:1
გოლები: ერნანი, 26 (0:1). ერერა, 34-პენ. (1:1).

სეარა - კრუზეირო 1:0
გოლი: ლოპესი, 39.
გაძევება: პაულისტა, 80 (კ).

ბომბარდირები
მურიკი (ატლეტიკო მინ.), როჟერი (გუარანი) - 4.
რობერტო (ავაი), ანდრე (სანტოსი), ვაგნერ ლავი (ფლამენგო), შვენკი (ვიტორია), ჟონასი (გრემიო), ანტონიო კარლოსი (ბოტაფოგო), ერერა (ბოტაფოგო), ემერსონი (ავაი), რიკარდინიო (ატლეტიკო მინ.), ნეიმარი (სანტოსი), ანდრეზინიო (ინტერი) - 3.

მომდევნო ტური
2 ივნისი. ატლეტიკო პარ. - ბოტაფოგო, ფლუმინენსე - ვიტორია, პრუდენტე - გოიანენსე.
3 ივნისი. სეარა - ავაი, კრუზეირო - სანტოსი, გოიასი - სან პაულუ, პალმეირასი - ფლამენგო.
4 ივნისი. კორინთიანსი - ინტერი, გრემიო - ატლეტიკო მინ., ვასკო - გუარანი.

© 11X11